The Song Dedicated to Kids.

Prasoon Joshi has penned down this lovely song about kids, the 'taare zameen par', with highly imaginative comparisons. You may like to pay attention to the lyrics.

dekho inhe ye hain, os ki boonden. patton ki god mein, aasman se kooden.
angdaiyaan len phir, karwat badal kar. naazuk se moti, hans de fisal kar.
kho na jaayen ye, taare zameen par.

ye to hain sardi mein, dhoop ki kirane. utare jo aangan ko, sunahara sa karne.
man ke andheron ko, roshan sa kar den. thithurati hatheli ki, rangat badal den.
kho na jaayen ye, taare zameen par.

jaise aankhon ki dibiya mein nindiya, aur nindiya mein meetha sa sapna,
aur sapne mein mil jaaye, farishta sa koi.
jaise rangon bhari pichkari, jaise titaliyan, phoolon ki kyari,
jaise bina matlab ka pyara, rishta ho koi.
ye to asha ki lahar hai, ye to ummeed ki sahar hai, khushiyon ki nahar hai,
kho na jaayen ye, taare zameen par.

dekho raaton ke seene pe ye to, jhilmil kisi lou se uge hain,
ye to ambua ki khushboo hain, baagon se bah chale.
jaise kaanch ki choodi ke tukde, jaise khile khile phoolon ke mukhde,
jaise bansi koi bajaye, pedon ke tale.
ye to jhonke hain pawan ke, hain ye ghunghroo jeewan ke, ye to sur hain chaman ke.
kho na jaayen ye, taare zameen par.

mohalle ki rounak, galiyaan hai jaise, khilne ki zid par, kaliyaan hain jaise.
mutthi mein mausam ki, jaise hawaayen, ye hain buzurgon ki, dil ki duaayen.
kho na jaayen ye, taare zameen par.

kabhi baaten jaise daadi naani, kabhi chhalke jaise mum mum paani,
kabhi ban jaaye bhole sawalon ki jhadi.
sannate mein hansi ke jaise, soone hothon pe khushi ke jaise,
ye to noor hain barase, gar teri kismat ho badi.
jaise jheel mein laharaye chanda, jaise bheed mein apne ka kandha,
jaise manmouji nadiya jhaag udaye kuchh kahe.
jaise baithe meethi si jhapki, jaise pyar ki dheemi si thapki,
jaise kaanon mein sargam hardam bajti hi rahe.
jaise barkha udati hai bundiya,..........

download this song

Filmfare Award for Best Lyrics - 'Maa'

Prasoon Joshi has bagged the Filmfare best lyrics award for the song 'maa' for the movie 'Tare Zameen Par'. The song depicts a common man's emotions very nicely complemented by excellent music composition by Shankar-Ehsaan-Loy. The song has been performed by Shankar Mahadevan.

Lyrics of 'Maa' :

main kabhi batlata nahin, par andhere se darta hoon main maa.
yoon to main, dikhlata nahin, teri parwah karta hoon main maa.
tujhe sab hai pata, hai na maa.
tujhe sab hai pata, meri maa.

bheed men, yun na chhodo mujhe,ghar laut ke bhi aa na paun maa.
bhej na itna door mujhko tu, yaad bhi tujhko aa na paun maa.
kya itna bura hoon main maa,
kya itna bura, meri maa.

jab bhi kabhi, papa mujhe, jo zor se, jhoola jhulate hain maa,
meri nazar, dhoondhe tujhe, sochoon yahi, tu aa ke thamegi maa.
unse main, ye kahta nahin, par main saham jata hoon maa.
chehre pe, aane deta nahin, dil hi dil mein ghabrata hoon maa.
tujhe sab hai pata, hai na maa.
tujhe sab hai pata, meri maa.

download this song